港女帶5萬全副身家派公屋 自爆「1個身分」竟引來神秘男承諾出全包裝修費？｜Juicy叮

有女網民在社交平台發文，指自己剛獲派公屋，位於東涌雋東邨雋才樓，惟裝修預算僅得5萬港元，面對動輒十幾萬的市價感到相當徬徨，更卑微發問：「我預算五萬會太可笑？」帖文引來大批網民圍觀，討論區瞬間由裝修指南演變成「敘利亞極簡風」教學，更有人趁機求婚招親，甚至引發《東張西望》何伯式的奪產罵戰，場面相當爆笑。

獲派231呎新公屋 樓主呻5萬全副身家唔敢問價

該名女網民在Facebook群組發文報喜，指自己剛剛首派獲配位於東涌的全新公屋「雋才樓231呎單位」，本來滿心歡喜準備迎接新生活，怎料向裝修公司查詢後卻大嚇一跳。樓主在帖文中表示：「問一下裝修至少都要10-15萬，係咪一定要咁貴呀？我預算五萬會太可笑？但真係得咁多咋。」

面對部分網民質疑她「唔知市價」，甚至有網民留言寸爆問她是否「五萬美金？」，樓主亦大方道出基層心酸，她坦言自己只是在網上問了一間裝修公司便已經被嚇怕，「搞到我有D唔敢問第二間，五萬元係我全部積蓄，真係好小咩？」她更感嘆：「請你唔好覺得我好笑，我有錢都唔會申請公屋啦，真係得五萬港幣。打工咁多年，五萬都係辛辛苦苦先儲到。」

網民力推「敘利亞風」極限入住 樓主自爆「靚女」身份堅拒無床瞓

見樓主預算有限，一眾公屋住戶網民化身「極限省錢王」，紛紛獻計如何用5萬元甚至更低成本入伙，大批網民認為公屋始終是租回來的，「間屋政府㗎，放咁多錢落去唔值得」，建議她「睇餸食飯」，「得百二蚊……睇餸食飯啦」，認為只要不訂造傢俬、不改動水電，絕對可以平價搞掂。

有極簡主義的網民分享自身經歷，直言：「我冇裝修，整地板1萬都不用搬入去」，更有網民霸氣表示：「冇間房，地板親戚幫，買咗2千幾地板，家具用返舊，今天簽約明天地板，3日搬入住。」亦有不少網民傳授DIY秘笈，建議樓主上淘寶或拼多多買PVC膠地板、自流平彩砂漆自己鋪，廚房則利用原裝石屎灶台，「整個伸縮杆頂住左右兩邊，加塊窗簾仔未得囉」，熱水爐及煮食爐則向煤氣公司申請月供分期，傢俬再去二手免費群組執筍貨，甚至有網民搞笑建議：「新公屋日日係樓下度等。好多新傢俬掉出來。兩個禮拜左右，應該夠一屋傢俬。」

為了幫樓主慳到盡，網民的建議越來越極端，有網民直接提議：「買張帆布床，牛角扇同摺枱，實現敘利亞風格，搞掂！」令樓主哭笑不得，直呼：「我即刻去搵咗咩叫敘利亞風格。」另一位苦行僧式公屋網民更拋出驚人言論，認為「雪櫃洗衣機非必須」，不但表示自己平時都是手洗衣服，更反問「煮飯點解要雪櫃？」，甚至提議樓主：「如果佢無錢，床都非必須，可以直接瞓床褥。」

不過，面對連床都要省卻的提議，樓主終於忍不住守住最後底線，幽默回覆：「咁又唔得，話晒都係靚女，比人知道我連床都冇，唔係幾好！」

討論區突變招親現場 網民霸氣求婚引爆「何伯」罵戰

當樓主自爆是單身「靚女」的身份後，帖文的畫風突然急轉直下，由裝修工程討論區變成大型招親現場，一名網民突然在留言區霸氣示愛兼提出交易：「你間公屋加埋我名，我出曬裝修費都得。」

樓主見狀好奇反問如何加名，得知要透過結婚後，隨即落閘表示：「結婚是死路，e家邊個會想結婚？」誰知該名求婚網民仍未死心，繼續深情游說：「人一定會死一次，點解唔俾自己一個機會結多次？唔結唔知結果係點。」更甜言蜜語道：「有個咁好嘅老婆，點會捨得離婚？一生一世對住就最好。」嚇得樓主連忙拒絕：「唔得…太恐怖！」

這場突如其來的求婚鬧劇，瞬間引來其他花生友加入戰團，有網民即時潑冷水警告樓主：「結完突然多咗件，之後搶埋屋趕你出街！玩爛咗啦。」求婚網民則力撐自己不會破壞家庭，結果被另一名網民無情嘲諷：「你係唔係應該快啲去攞白卡！早前何伯的故事，自己去睇東張啦！你剛剛放監？咁都唔知。」求婚網民亦不甘示弱反擊：「咁係河馬蠢姐，有何伯幫手照顧河馬仔都唔滿意，因為河馬目標係呃錢，唔係錫仔女。」好端端一個公屋裝修帖，最終竟然演變成《東張西望》何伯與新何太的倫理辯論大賽，認真始料不及。

苦主溫馨提示：切忌亂搞廚廁地板、提防網上裝修伏

笑還笑，討論區內依然有不少熱心街坊向樓主提供實用的防伏指南，樓主原本打算「裝修廚房同廁所、舖地板」，即被大批過來人喝止，網民紛紛提醒新公屋規矩極嚴，「公屋廚房同廁所地下係唔可以整架」，因為房署本身已經做好防水工程，一旦私自改動地磚弄穿防水層，日後漏水波及下層，「俾房署周到要還原就好甘，而且你要負責埋樓下嘅裝修」，絕對會賠了夫人又折兵。

此外，對於有網民稱Facebook上有不少「兩三萬包晒全屋傢俬」的廣告，大批街坊齊聲呼籲樓主切勿輕信：「千萬唔好信！邊有咁大隻蛤乸隨街跳！」、「唔好信啲咩幾萬攪掂，一簽左單入左場就大把後加數」，更笑言樓主公開發文稱有5萬元預算，隨時引來大批騙子私訊「睇住你嚟食」。網民們普遍認為，樓主下月拎鎖匙後，只要守住廚廁防水層、專心搞好客廳地板，再慢慢添置現成傢俬，5萬元隨時真的可以打造出一個既舒適又不會淪為「敘利亞風」的安樂窩。

來源：公屋討論區 – 香港facebook群組

延伸閱讀：帶朋友參觀公屋靚裝修竟被批「呃福利」？屋主爆Seed神反擊 揭家人當年用「這東西」換樓