「40歲女人朋友圈九成想睇你Ｘ街？」港女大爆20年閨蜜罪狀掀議 斥攜$50超市蛋糕上門做一事超「陰濕」｜Juicy叮

一名女網民在Threads上發表了一篇極具火藥味的「絕交宣告」，痛訴與步入中年的女性友人交往「累過返工」，更直指「40歲後嘅女人朋友圈，90%係想睇你X街，10%係想踩住你升天」。

辛苦搞海鮮煲 假姊妹帶$50超市蛋糕上門「酸度爆表」

樓主在帖文中表示，上星期自己出於好意，邀請了一班相識長達20年的「姊妹」到家中聚餐。為了這頓飯，她可謂誠意十足：「好心請班相識20年嘅『姊妹』上我屋企食飯，我買埋海鮮煲埋湯搞咗大半日。」

本以為是一場溫馨的閨蜜聚會，怎料其中一名「姊妹」的舉動和言詞讓她徹底心寒。對方不僅只帶了一盒價值「$50嘅超市蛋糕」上門，一坐下更立刻「陰陽怪氣」地進行言語試探：「哇，你間屋咁大，你老公發咗達呀？….」

樓主形容，整晚的氣氛極度令人窒息，每個人說話都帶刺，字裡行間充滿了攀比與虛榮：「成晚個個句句都有骨咁，又講老公搵幾錢、仔女讀咩學校、拎咩手袋….」她看穿了這些所謂閨蜜的心理，痛斥她們：「自己過得唔好，就想喺人哋身上搵優越感；見到人哋過得好，個眼光陰濕到遮都遮唔住。」

聚會結束後，樓主直言感到極度疲憊，忍無可忍之下，決定一刀切斷這段虛偽的關係：「返到屋企即刻Block咗嗰兩個假姊妹。大家根本唔同 Level，以後唔好夾硬做朋友。」

網民金睛火眼揪「邏輯盲點」 質疑是AI編造或重作

帖文吸引大批網民熱議，不過，大批眼利的網民並未第一時間同情樓主，反而迅速揪出了文中的「邏輯Bug」，質疑這是一篇「網絡創作文」：
網民紛紛恥笑：「上文話請人返屋企食飯，後面又話返到屋企即刻block人，下次作文可唔可以睇清楚自己寫咗啲咩先啦」。

有不少人更懷疑這根本是虛構故事：「似AI文」、「重作」、「識左廿年都唔知佢講野係點既姊妹? 作文都搵第二樣啦」。

「40歲女人」無辜中槍 網民反擊：人格問題，唔好立亂詆毁！

對於樓主將矛頭直指「40歲女人」的言論，大批同齡女性與理性網民紛紛站出來反擊，認為這完全是「人品與修養」的問題，與年齡無關，有40歲的網民無奈表示：「我40歲，關我Ｘ事呀？」、「餵，唔好立亂詆毁40歲嘅女人喎」。

網民指出，這種「雌競」與比較心態在任何年齡層都存在：「雌競，就算14歲都會咁，唔關40歲事。唔同年齡階段鬥既嘢唔同啫。細個鬥玩具鬥成績，大個鬥多人追鬥搵到好工，結咗婚鬥仔女鬥老公。」

有網民反駁道樓主本身也半斤八兩：「你寫人哋$50個蛋糕，你啲價值觀都係差唔多㗎咋」、「都40幾歲人啦 ，諗野仲咁toxic ？佢都可以話你白鴿眼，睇唔起個$50嘅超市蛋糕，成篇野，句句都抬高緊自己」。

職場、人生皆適用：遠離「能量吸血鬼」 朋友圈需要定期篩選

雖然這篇帖文充滿爭議，但也勾起了不少港人對於「毒友誼（Toxic friendship）」的共鳴，有網民語重心長地表示，人活到一定歲數，確實應該學會精簡朋友圈：「睇文都覺得好攰，呢啲『朋友』唔知要嚟做乜 真係能量吸血鬼嚟，樓主做得好啱！」「活到呢個歲數真係朋友太多…可以篩選吓」。

來源：Threads

延伸閱讀：餘生只剩20小時相聚？ 40歲港男餞行移民好友 計出殘酷數字大感心寒 網民淚憶亡友：下次再見已是墳前拜祭