新蒲崗男童楔車罅衝出馬路 電單車急煞輕碰手臂 鐵騎士嘆：好在唔係撞正

新蒲崗發生電單車碰撞男童事件。周二（3日）下午近4時，有網民在社交平台上載車Cam片段，顯示一名鐵騎士沿錦榮街往顯慶街方向行駛，當駛至錦榮街中段時，一名戴口罩、身穿校服的男童突然從車頭右方衝出，鐵騎士即時收慢及煞車，惟電單車右邊倒後鏡仍與男童左手臂發生碰撞。

鐵騎士驚呼「撞到㗎喇」

片段可見，男童突然從停泊在路旁的私家車之間衝出，鐵騎士見狀立即煞停，惟車輛駛至男童身旁時，右邊倒後鏡仍碰到男童左手。男童事後未見明顯受傷，隨即繼續橫過馬路。鐵騎士則在車上驚呼：「你唔係呀！」。他隨後大聲感嘆向附近街坊表示：「唉！俾佢嚇死呀大佬，撞到㗎喇。」

鐵騎士其後慶幸碰撞未有造成嚴重後果，稱「好在唔係撞正咋」，又表示「冇事最緊要，車好少事啫」。他其後調整電單車右邊倒後鏡，便繼續駕車離開。