香港仔一名大叔買啤梨後嫌唔甜，10日後攜梨到生果檔退貨，認為遇騙。職員無奈以「4字詞」教大叔食啤梨的秘訣；同場街坊則在旁非議「擺咁耐拎返嚟換」；網民也大肆調侃「唔甜應該你去搵農夫 」。詳情見下圖及下文：

香港仔大叔買啤梨唔甜 10日後攜梨退貨 職員無奈逐張睇↓↓↓↓

樓主：買咗10日先返嚟

樓主本月16日在社交平台Threads上載短片發帖，指「有人話水果唔甜但係買咗10日先返嚟，報警收場」。

片中見到現場為香港仔東勝道人來人往一生果檔前，一名戴白色鴨舌帽的大叔攜同聲稱10日前在場購買的一袋啤梨到場，以「唔甜」為理由與職員理論，要求退貨。

相關閱讀：嗌車仔麵外賣豬紅無貨 尖沙咀小店魚蛋頂上兼送一禮物致歉 網民讚手寫便條夠誠意

大叔：你話甜吖嘛

片中，大叔在場投訴貨不對辦時，提到「你話甜吖嘛」，職員起初表示「唔好理佢，唔好理佢吖，唉」，但大叔繼續投訴啤梨事宜，引起街坊留意，查問「嘩呀，咩事呀？」。

最終，職員勞氣地解釋，「熟嘅咩，啤梨呀……啤梨喎，要吽㗎嘛」；片中有街坊旁白，指「聽講話要報警喎」；職員續表明「你今日買我俾番你，唔係今日買冇得」；另有職員接力稱「你擺咗10日點換俾你呀，你教我吖，點換呀，你邊個呀？」。

大叔：即係欺騙我囉

但大叔則堅稱「我意思係……若果係咁，你搵我買呀嘛，你咪叫我買㗎嘛，咁咪即係欺騙我囉」。

旁邊的街坊也按耐不住，指「唔係欺騙你，你依家有無試過甜唔甜先」；另有街坊也提醒太叔「（啤梨）放耐啲囉」，並指「你擺10日，邊個會返嚟換㗎」；更有人稱，「擺咁耐拎返嚟換」、「係呀，你影住呢個阿叔啦，擺上網啦」。

網民都聚焦啤梨擺10日才換的重點，留言反問「得㗎咩？」、「10日！？ 屙咗出嚟先知唔甜？」、「擺咗10日都唔甜，即係個生果真係唔掂」；有人笑言，「佢老婆：這老公都老了，現在10年，要退貨」。

相關閱讀：觀塘酒樓冰鮮魚扮游水海鮮敗露 「對比圖」瘋傳曝光死魚特徵 網民驚覺「咁樣」呃人唔止一間

網民分享遇西及經歷

還有人驚問「水果唔甜都可以報警？」，於是繼續調侃，「唔甜落糖吖嘛！」、「唔甜應該你去搵農夫 」、「我上年買咗火龍果，之後屎唔出，我聽日都去搵佢算賬」。

另有網民分享類似經歷，指「以前做超市，有個西客，隔咗一晚，拎張單再加粒核落嚟話個榴槤變壞要換，問佢個榴槤就話掉咗，我唔換，佢就話你打工，換俾我都唔係你蝕，咁小氣」。

資料來源：linshao193＠Threads

相關閱讀：港媽「拼多多」買生果自提點私訊串爆：「你勁你連西瓜都買」 後續更惹火 網民竟撐店家無講錯↓↓↓↓

今年7月，有元朗港媽在「拼多多」買生果，收到自提點職員私訊她說：「上次已經叫咗你唔好買生果」、「你勁你連西瓜都買到，我做咁多年第一次見」，言論惹火，職員要求事主晚上即時來取貨，否則可能要付清潔費，令港媽嬲爆。

不過，網民竟一面倒反撐自提點的職員「無講錯」：「夏天真係搞唔掂，生果勁易爛。」「咁冇辦法喎，天氣咁熱，佢驚會爛好正常喎。」涉事自提點位於元朗尚悅．方↓↓↓↓




Source link

Post Views: 5